澳門格蘭披治大賽車响呢幾日舉行，呢個梳打埠一年一度嘅車壇盛事，時至今日已被公認為世界上最佳嘅街道賽事，唔經唔覺已經舉辨第64屆喇！

咁澳門呢個賽車比賽係點樣發展到今日嘅規模呢？响1954年，一班澳門賽車愛好者就想响澳門舉行一場賽車比賽，並得到香港汽車會支持，結果1954年10月30日至31日舉行咗第一屆澳門大賽車喇！首屆澳門格蘭披治大賽車响全長3.9英里嘅東望洋賽道上演，一共有15名車手角逐51個圈嘅賽事。

呢個賽事最初只係賽車愛好者同車會搞嘅比賽，後嚟愈搞愈有規模，賽事仲成為國際汽聯列入國際賽車賽程表。唔少世界知名嘅賽車手响新人時期，好似夏健倫、舒麥加、韋倫諾夫、拉夫舒麥加、咸美頓等都响澳門鬥過車。當然，點可以唔提巴西車神冼拿呢？

原圖來源：Status GP